موسوعة كسرات من مختاراتي..

[حكاية روح]

كسرات من مختاراتي تمنياتي بأن تنال إستحسانكم
*
*
*
سلام يامنتدى راقي ....وكل الرقا طيب ربانه


ماله مثيله ولاتلاقي ....منهو كسب حط عنوانه


*
*
*
أخر جزا للموده منك ------ جعلتني ود متعدي..


عليك أقبل و أقفي عنك ------ و أنا دموعي على خدي..


*
*
*
لوفرقت بيننا الأيام......وفراقنا عندها طول..


تظل ياصاحبي قدام......فالقلب ترتيبك الأول..


*
*
*
شبيتلك في فؤادي نار....كان العشم منك تطفيها..


لكن قسى قلبك الجبار....كل يوم ترمي حطب فيها..


*
*
*


مهما كبر جرحي ادسه .... من خوف اجرح خواطر ناس..


واصبر على كل ما احسه ....واقول طيب ولا بي باس..


*
*
*
هذا الزمن منهجه بالعكس ....كل إعتماده على المظهر..


واللي على حق والاّ يحس .... ما ينسمع له ولو أجهر..


*
*
*
سميتني ياحبيبي سَمْ .... سميت لي يالغضي حالي..


سم الأفاعي يجي فالدم.... وسمك على القلب طوالي..


*
*
*
هيا استمع للذى اكتـب....وافهم كلامى ومشروحي
القلب غيرك ابد ماحـب....يامالك القلب ياروحـي


*
*
*
مابعتكم بالذهــــــــب و الماس ....لما صفى والوقـــــــت و اعطانا


لجل ايش من بيـــن كل الناس....خصيتـــــــــــني بالاســــى انا


*
*
*
ودعتـك الله يالغـالـي .... تبكيك روحي مع الاعيان..


فارقتنـي ياهـوى بالـي.... ماعاد اقوى على الهجران..


*
*
*



أصحـابـنـا بعضهم ديكور .... فنان بالهرج والمظهر


والبعض الآخر يشعشع نور.... وقت الشدايد لنايظهر


*
*
*
شوف المعادن ذهب ونحاس .... والتفـرقـة بيـنهم واجب


إحذر وشوف العباد أجناس ....لاجيت تختار لك صاحب


*
*
*


نفس الآسامي أسامينا .... ما غير الوقت رسمتها


بس المــشاعر تبكينا .... الوقـــت غير برقتها



*
*
*


لاتفقد الدرب وتخــايل ,,,, ترمي بنظره على الأغصان


تطيح لك في غصن مايل ,,, يجلب لك الهم والأحزان..؟


*
*
*
من يملك النوم ويبيعه .... أبغى أشتري ياعيــوني نوم


وأغـــافل القلب ماطيعه ....على السهر لو أريح يوم ...


*
*
*
أنا الذي من زمان احسبك ....تأخذ بيدي تراعيني


ماأحسب أنيني نغم يطربك.... وانته أنينك يبكيني


*
*
*
مادام مبسمك والاعيان ....مطبوع في القلب صورتها


كيــف اتصبر على النسيان....وأعيش من غير شوفتها


*
*
*
أنتي حياتي ونور العين ....وأنتي أمل عمري الباقي


طيب وحيا كملك بالزين .... وعذب السجايا والأخلاقي


*
*
*


يوم البشر كلها نامت ....العين عااااااافت لذيذ النوم


البعض في حالتي شامت....وصافي سماي أمتلى بغيوم


*
*
*


دمعة حـــزن ساقها طرفــي ... تناثــــــرت يــوم فرقاهــــــــــم


مدري من الوقت كـم يكفي ... من شــان نقــدر وننسـاهـــم


*
*
*
يوافق اليوم ذكراهم .... ويتجدد العهد بالالام


واحيي أمل يوم لقياهم .... رحمتك يامجري الايام


*
*
*



يامن تخصصت فسلوبك....مدري متى تفهم اسلوبي


انا اداري على عيوبـك....وانت تدور عن عيوبى


*
*
*
رحـماك يا خـالقـي رحماك .... يا الله يا حـــي يا مـعـبـود
همي رضا من رضاه رضاك.... وإن ماحصل فالحياه جحود


بلغنا الله وإياكم بر الوالدين


*******


ارجو بأن أكون قد وفقت


تحيااااااتي

[مجروح في زمن العز]

سلمت يداكــــــــــــ
تقبل مروري

[الـــــرائــــــــــد]

كسرات جميله واختيار موفق
الله يديك العافية بارك الله فيك